जन्म लेकीचा- किरण चव्हाण.
जन्म लेकीचा... माय माझी विनवणी मी आता करू कोणापाशी, तू ही असा कसा गं घाव घालतेस माझ्या मुळाशी. सांग तुझ्याशिवाय मी कोणाच्या गर्भात वाढायची ...? तू पण जर अशी वागत असशील तर.. मी आई कोणाला म्हणायची...? खरंच का गं तुला वाटतं..? मी जन्मालाच येऊ नये जन्मानंतर एकमेकींनी तोंड कधीच पाहू नये. बाबांनाही माझ्या काहीसं असंच वाटत का गं..? मग त्यांना तू हवी,आई हवी, बहीण हवी पण पोटची मुलगी नको का गं..? नशीबवान आहात आईबाबा तुम्ही तुम्हाला तुमच्या आईबाबाने जन्म दिला, मीच दुर्दैवी जन्माला येण्याअगोदर तुम्ही माझा जन्म नाकारला. तुमच्या पोटी येण्याचा असा मी हो कोणता गुन्हा केला? गर्भातच खुडून टाकता का हो एवढी मोठी शिक्षा मला..? तुम्हांला दिवा हवा वंशाला , तर गर्भपात करून पैसा हवा कुणाला, स्वार्थ साधताय तुमचा तुम्ही पण माझ्या जीवाचा कोण घेणार हवाला..? निर्लज्ज आहेत नराधम ते त्यांना लाज जनाची ना मनाची, पण तुम्हालाही आईबाबा कस कळू नये मुलाच्या हव्यासापोटी हत्या करताय पोटच्या मुलीची. या नराध्यमांच्या नादी आई तू ही कशी लागलीस गं..? नदी नाल्यांच्या काठाने पुरताना मला तुला काहीच...