भाऊराया : रक्षाबंधन निमित्त कविता

 

     
रक्षाबंधन कविता


भाऊराया…

ओवाळीते भाऊराया, माझ्या जीवाची गं माया, माझ्या रूपाची छाया, माझा गं भाऊराया…

     

न्हाऊ घालते घालते, पाटावरी बसवुनी, दृष्ट काढते काढते, काजळ-तीट लावुनी.

     

माझ्या अवतीभोवती फिरतो गं माझा भाऊ, जशी गाईच्या भोवती फिरते लाडाचं वासरू.


माझा गं तो पाठीराखा, त्याची डोंगराएवढी माया, बापासारखा त्याचा आधार, त्याला देईन आईची माया.

      

उद्याले मोठा होईल, माझ्या सासरी गं तो येईल, माझ्या माहेराचा तो मुराळी, मला माहेरी घेऊन येईल.

     

माझा गं तो निवृत्ती, माझा गं तो ज्ञानोबा, माझा इवलासा सोपाना, मी गं त्याची मुक्ताबाई.

     

ओवाळीते भाऊराया, भाऊ माझा सुखात राहू दे, देवा माझ्या लाडक्या भावाला उदंड आयुष्य लाभू दे…

✍️ किरण सुभाष चव्हाण



टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

शिक्षक दिनीच घेतला अखेरचा श्वास... विनाअनुदानित शिक्षक किशोर पाटील यांचा करुण अंत | १५ वर्षांची अध्यापनाची नि:स्वार्थ सेवा करून शेवटपर्यंत पगार मिळाला नाही.

इमेज
  शिक्षकदिनादिवशीच किशोर पाटील या विनाअनुदानित शिक्षकाने घेतला अखेरचा श्वास. करणखेडा ता- अमळनेर जि- जळगाव ते पुणे-कोल्हापूर परतीचा प्रवास करताना अतिशय दुःखद अंतःकरणाने लिहितोय. ज्या माणसासाठी शेकडो किलोमीटरचा प्रवास करून आम्हीं भेटायला गेलो तो माणूस त्या सकाळीच निघून गेला होता. आम्हीं तिथे संध्याकाळी पोहोचल्यानंतर कळालं की, सर सकाळीच निघून गेले. सर आजारी आहेत म्हणून त्यांना पाहण्यासाठी माझ्या गावापासून म्हणजे पांगिरे ता भुदरगड जि कोल्हापूर येथून दुपारी ३ वाजता मी आणि माझी थोरली बहीण बाहेर पडलो गाड्या बदलत दुसऱ्या दिवशी संध्याकाळी ६.:३० वाजता जळगाव जिल्ह्यातील अमळनेर तालुक्यातील करणखेडा या गावी पोहोचलो. तिथे पोहोचण्यासाठी तब्बल २७ तास ३० मिनिटांचा आणि सुमारे ८०० कि. मी. चा हा प्रवास करताना फक्त मनात एकच आस होती की,ज्यांच्याबरोबर आजपर्यंत फक्त फोनवर बोलणं व्हायचं त्या सरांना एकदा जवळून प्रत्यक्षात पाहता येईल. ..पण सरांना प्रत्यक्षात पाहणं आमच्या नशिबातच नव्हतं..आम्हीं पोहोचण्याच्या अगोदरच सर या जगातून निघून गेले होते.आम्हीं पोहोचलो आणि समोर सरांचा मुलगा पारसला बघून मन...
अधिक वाचा

'सर्वगुणसंपन्न सर्वांगसुंदर व्यक्तिमत्त्व : गुरुवर्य इंद्रजीत देशमुख काकाजी.'

इमेज
'सर्वगुणसंपन्न सर्वांगसुंदर व्यक्तिमत्त्व : आदरणीय गुरुवर्य इंद्रजीत देशमुख काकाजी.'                                          सांगली जिल्ह्यातील विटा शहराजवळच्या माहुली या छोट्याशा गावी श्री.दत्ताजीराव भाऊसाहेब देशमुख व सौ.विजयालक्ष्मी दत्ताजीराव देशमुख या पुण्यशील दाम्पत्याच्या पोटी आठ लेकरं जन्मली.म्हणतात ना..."शुद्ध बिजापोटी फळे रसाळ गोमटी." तशी ही लेकरं. आणि त्यातले रसाळ गोमटे शेंडेफळ म्हणजे परमपूज्य गुरुवर्य इंद्रजीत देशमुख (काकाजी) ऊर्फ वासुदेवानंद सरस्वती.काकाजींना तीन भाऊ व पाच बहिणी अशी एकूण आठ भावंडे. एकंदरीत मोठा परिवार.१९ ऑक्टोबर १९६५ रोजीचा काकाजींचा जन्म..आज सर्व आबालवृद्ध आदराने व मायेने त्यांना काकाजी म्हणून संबोधतात..आई विजयालक्ष्मी देशमुख जुनी अकरावी पास असलेल्या तर वडील श्री दत्ताजीराव भाऊसाहेब देशमुख १० वर्षे आमदार होते.मुंबईसह संयुक्त महाराष्ट्र व्हावा म्हणून प्रथम ज्या दोन आमदारांनी त्यावेळी राजीनामा दिला,त्यापैकी एक काकांजीचे वडील होते.काकाजींच्या वडिला...
अधिक वाचा

"सोशल मीडिया आणि विद्यार्थी: फायदे, तोटे आणि काळजी घेण्याचे मार्ग"

इमेज
  सोशल मीडिया आणि विद्यार्थी.                      आजचं युग हे माहिती तंत्रज्ञानाचं युग आहे. डिजिटल क्रांतीमुळे मानवी जीवनात आमूलाग्र बदल होत आहे. एका क्लिकवर  जगातील संपूर्ण माहिती आपल्याला उपलब्ध होते. सोशल मीडियाने तर आपलं संपूर्ण जीवन व्यापलं आहे. आपल्या पाच मूलभूत गरजापैंकी सोशल मीडिया ही आता आपली सहावी मूलभूत गरज झाली आहे असं म्हणायला हरकत नाही. आपल्या जगण्याचा तो एक अविभाज्य घटक बनला आहे.सोशल मीडियाने सर्वांना व्यापले आहे मग आपला शालेय विद्यार्थी सुद्धा या सोशल मीडियापासून कसा दूर असेल.,? पण सोशल मीडियाशी आपला विद्यार्थी कसा जोडला आहे. त्याचबरोबर आपला विद्यार्थी सोशल मीडिया कशाप्रकारे हाताळतो आहे. हे पाहणे महत्वाचे आहे.सोशल मीडिया चांगला की वाईट..? मग सोशल मीडिया आणि विद्यार्थी यांच्याबद्दल आज आपल्याला विचार करण्याची वेळ का आली आहे..? असे अनेक प्रश्न उपस्थित होतात.                   आपल्या जीवनात आज सोशल मीडियाने आमूलाग्र बदल केला आहे. संपूर्ण जगाला समावून घेण्याइतपत त्या...
अधिक वाचा