बालग्राम परिवाराच्या भेटीने जुन्या आठवणींना मिळाला उजाळा...

 



बालग्राम परिवाराच्या भेटीने जुन्या आठवणींना मिळाला उजाळा...


           कित्येक वर्षाने आज बालग्राम परिवाराला भेटता आले. इतक्या वर्षाने पाहताना ते जुने दिवस मनात जसेच्या तसे उभारत होते...सगळं कसं बदलत गेलं पण बालग्राम आहे तसं आहे...आठवणीतला जुना ठेवा जपून ठेवावा तसं मायेची ऊब देत बालग्राम अजूनही तिथेच आहे. डी.एड झाल्यानंतर सुरुवातीच्या काळात बालग्राम पन्हाळा येथे सहा महिने काम केले.छत्रपती शिवाजी महाराज व छत्रपती संभाजी महाराजांच्या पदस्पर्शाने पावन झालेल्या पावनगडावर वास्तव्य करायला भेटणं हा माझ्या आयुष्यातील एक भाग्याचा आणि आनंदाचा काळ होता. बालग्रामसारख्या चिमुकल्या मुलांना मायेचा आधार देऊन माय बापासारखे प्रेम देऊन जपणाऱ्या संस्थेत काम करण्याची संधी मिळाली. मला वाटत माझ्या सामाजिकतेच्या जडणघडणीला इथूनचं सुरुवात झाली...बालग्रामधील ते जुने क्षण ती मायाळू लेकरं आमचा तो एक परिवार होता...किती छान होते ते दिवस..बालग्रामधील त्या आठवणींचा तो सोनेरी काळ माझ्या जीवनातील हळव्या क्षणांच्या आठवणींचं माहेरघरचं झालं होतं जणू...बालग्रामधील आल्हाददायक पहाट असो अथवा ती रमणीय सायंकाळ असो आजही मनावर शांततेच्या समयी राज्य करते. बालग्रामला निरोप दिल्यानंतर आज खूप वर्षांनी बालग्राम परिवाराला आमच्या शाळेच्या स्टाफ सहित भेट देण्याचा योगायोग आला. आणि इतक्या वर्षांनंतर येथील मुलांना भेटून  खूप आनंद झाला. बालग्राम संस्थेचे संचालक हावळ काका, अधीक्षक संतोष गायकवाड सर यांच्यासोबत कितीतरी वर्षानंतर प्रत्यक्ष मनमोकळा संवाद साधण्याची आणि चर्चा करण्याची संधी मिळाली. बालग्राममधील त्या वेळेचे आता बरेच जुने विद्यार्थी आता नाहीत परंतु आताच्या विद्यार्थ्यांना जवळून भेटता आले खूप आनंद वाटला मनाला...शेवटी  ज्या शांत निरव सायंकाळी मी बालग्रामध्ये मुलांच्यासोबत प्रार्थना घ्यायचो योगायोग अशाच आजच्या सायंकाळी मुलांना बालग्रामवर लिहिलेली प्रार्थना सांगता आली...याचा मनाला एक आनंद आणि समाधान मिळाले. शेवटी आम्हीं जाताना ती लेकरं आमच्या पाया पडत होती. किती संस्कारशील आहेत लेकरं. संतोष सर तर अंतःकरणपूर्वक बालग्राम आणि या मुलांना जपत आहेत. या मुलांची चांगली काळजी घेत आहेत.. त्याचसोबत त्यांच्यावर संस्कारही करत आहेत. बालग्राम आणि मुलांना भेटून आम्हांलाही एक ऊर्जा मिळाली. बालग्राम परिवाराला भेटण्याची संधी दिल्याबद्दल संतोष सर आणि हावळ काका यांचे मनःपूर्वक धन्यवाद..! अशीच बलग्राम परिवाराची आणि लेकरांची भरभराट होवो ह्याच सदिच्छा...!!


 - किरण सुभाष चव्हाण.


Before


After







टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

"सोशल मीडिया आणि विद्यार्थी: फायदे, तोटे आणि काळजी घेण्याचे मार्ग"

इमेज
  सोशल मीडिया आणि विद्यार्थी.                      आजचं युग हे माहिती तंत्रज्ञानाचं युग आहे. डिजिटल क्रांतीमुळे मानवी जीवनात आमूलाग्र बदल होत आहे. एका क्लिकवर  जगातील संपूर्ण माहिती आपल्याला उपलब्ध होते. सोशल मीडियाने तर आपलं संपूर्ण जीवन व्यापलं आहे. आपल्या पाच मूलभूत गरजापैंकी सोशल मीडिया ही आता आपली सहावी मूलभूत गरज झाली आहे असं म्हणायला हरकत नाही. आपल्या जगण्याचा तो एक अविभाज्य घटक बनला आहे.सोशल मीडियाने सर्वांना व्यापले आहे मग आपला शालेय विद्यार्थी सुद्धा या सोशल मीडियापासून कसा दूर असेल.,? पण सोशल मीडियाशी आपला विद्यार्थी कसा जोडला आहे. त्याचबरोबर आपला विद्यार्थी सोशल मीडिया कशाप्रकारे हाताळतो आहे. हे पाहणे महत्वाचे आहे.सोशल मीडिया चांगला की वाईट..? मग सोशल मीडिया आणि विद्यार्थी यांच्याबद्दल आज आपल्याला विचार करण्याची वेळ का आली आहे..? असे अनेक प्रश्न उपस्थित होतात.                   आपल्या जीवनात आज सोशल मीडियाने आमूलाग्र बदल केला आहे. संपूर्ण जगाला समावून घेण्याइतपत त्या...
अधिक वाचा

भारताची जलतरणपटू कांचनमाला पांडे-देशमुख- किरण चव्हाण.

इमेज
'जलतरणामध्ये सुवर्णमयी इतिहास रचणारी भारताची जलतरणपटू जलकन्या कांचनमाला पांडे- देशमुख.'                                         ती एक लाट बेधुंदपणे पाण्यावर स्वार होऊन यशाचा किनारा गाठणारी. तिचं नी पाण्याचं जिव्हाळ्याचं अतूट घट्ट नातं.तिनं आत्मविश्वासाने  झेपावं आणि कवेत घ्यावं पाण्याने तिलाही.पाण्याच्या पाठकुळीवर स्वार होऊन पादाक्रांत केलीत तिने यशाची अनेक शिखरे... रचलाय एक नवा इतिहास.साकारलाय अद्वितीय विजय.स्वतःच्या दृष्टीहीनतेवर मात करत देशाच्या जलतरणाला जागतिक स्तरावर जिने एक नवी दृष्टी दिलीय.मनातल्या स्वप्नांना सत्यात उतरवताना त्या प्रत्येक स्वप्नांना लाभलाय प्रत्येक वेळी यशाचा किनारा...प्रखर जिद्द, मेहनत आणि आत्मविश्वासाच्या बळावर तिने पार केलाय भवसिंधु...स्वप्नांच्या मागे पोहताना ती आता पोहोचलीय सातासमुद्रापार. तिला माहितीचं नाहीं कधी थांबणं. आणि तिला कोणी थांबवूही शकत नाही..तिनं गाठलाय आता आयुष्यातला सुवर्णमयीक्षण.येणाऱ्या प्रत्येक आव्हानांना झुगारून देत तिने अखेर सिद्ध केलंय...
अधिक वाचा

'सर्वगुणसंपन्न सर्वांगसुंदर व्यक्तिमत्त्व : गुरुवर्य इंद्रजीत देशमुख काकाजी.'

इमेज
'सर्वगुणसंपन्न सर्वांगसुंदर व्यक्तिमत्त्व : आदरणीय गुरुवर्य इंद्रजीत देशमुख काकाजी.'                                          सांगली जिल्ह्यातील विटा शहराजवळच्या माहुली या छोट्याशा गावी श्री.दत्ताजीराव भाऊसाहेब देशमुख व सौ.विजयालक्ष्मी दत्ताजीराव देशमुख या पुण्यशील दाम्पत्याच्या पोटी आठ लेकरं जन्मली.म्हणतात ना..."शुद्ध बिजापोटी फळे रसाळ गोमटी." तशी ही लेकरं. आणि त्यातले रसाळ गोमटे शेंडेफळ म्हणजे परमपूज्य गुरुवर्य इंद्रजीत देशमुख (काकाजी) ऊर्फ वासुदेवानंद सरस्वती.काकाजींना तीन भाऊ व पाच बहिणी अशी एकूण आठ भावंडे. एकंदरीत मोठा परिवार.१९ ऑक्टोबर १९६५ रोजीचा काकाजींचा जन्म..आज सर्व आबालवृद्ध आदराने व मायेने त्यांना काकाजी म्हणून संबोधतात..आई विजयालक्ष्मी देशमुख जुनी अकरावी पास असलेल्या तर वडील श्री दत्ताजीराव भाऊसाहेब देशमुख १० वर्षे आमदार होते.मुंबईसह संयुक्त महाराष्ट्र व्हावा म्हणून प्रथम ज्या दोन आमदारांनी त्यावेळी राजीनामा दिला,त्यापैकी एक काकांजीचे वडील होते.काकाजींच्या वडिला...
अधिक वाचा